Tøgn við nýggjum staklagi

Fyrsta staklag teirra, "Kamarið" varð sera væl móttikið, og varð m.a. kosið ársins útverpashitt av lurtarum hjá Kringvarpinum, umframt at bólkurin vann áhoyraravirðislønina á ársins FMA. Fríggjadagin gav Tøgn út enn eitt staklag.

Nýggja lagið ber heitið "Sig mær":

Síðan fyrsta slaglagið varð givið út á vári í fjør, hevur bólkurin eisini fingið ein lim afturat.

Tøgn er nú mannaður av Beinir Troest, Bárði Petersen, Filip Zachariassen og Jónasi Gaard.

Felags fyri allar limirnar í bólkinum er, at teir eru útisetar, og tað er eisini tað, sum nýggja staklagið snýr seg um - at leingjast heim til Føroya.