Fimm nøvn mangla á miðflokkalistanum

Hjá veljarum ber í dag til at seta krossin við 11 valevni hjá Miðfokkinum. Hetta hóast flokkurin sjálvur sigur seg hava 16 valevni á listanum.

Frihedsbrevet skrivar, at feilurin er at finna í einum innnahýsis mistakið hjá Miðflokkinum. Forkvinnan í fólkatingsvalstýrisnevndini, Malan Johansen, sigur greitt, at listin við ellivu valevnum er tann listin, sum tey hav fingið frá Miðflokkinum og sum tey hava fingið aftur til góðkenningar.

Tey, sum mangla á seðlinum eru Bjørg av Rana Nietschke, Jann Johannesen, Rani Andrasson Skaalum, Sonni Jacobsen og Vilhelm Hendrik í Skálanum. Hetta eru fólk, sum Miðflokkurin annars hevur havt á sínum yvirliti yvir valevni hjá flokkinum.

Í Miðflokkinum varnaðist man ikki stóra mistakið fyrrenn í dag - Vilhelm Hendrik í Skálanum var í einum av umfarinum í fólkatingskjakinum í Kringvarpinum í gjár.