Tíðindaskriv
Vinnukavaraskúlin er í ferð við at fyrireika eina frálandakavara-útbúgving her heima. Í løtuni verður arbeitt við at fáa neyðugu útgerðina til oyggjarnar. Í februar í ár bílegði kavaraskúlin eitt Trýst- og viðgerðarkamar frá einum veitara í Hollandi. Trýstkamarið skal millum annað brúkast, í samband við útbúgving av føroyskum kavarum og trýsttanga-operatørum. Eisini er ætlanin at trýstkamarið kann brúkast sum ein trygd hjá vinnukavarum har kava verður.
Harumframt lýkur trýstkamarið eisini krøvini, sum í dag verða sett einum viðgerðarkamari. Heilsuverk í grannalondum okkara brúka slík viðgerðarkømur til sokallaðar HBO viðgerðir. HBO viðgerðir minkað um hypoxi í kropsvevnaði, hjálpa kroppinum at niðurberja bruna og skunda undir lekingargongdina hjá fólki ið fáa viðgerðir av ymiskum slag. Trýst- og Viðgerðarkamarið hjá vinnukavaraskúlanum hevur møguleika, um føroyska heilsuverkið ynskir, at avgreiða 16 HBO viðgerðir um dagin ella uml. 80 viðgerðir um vikuna.
Á myndini síggja vit stjóran á kavaraskúlanum saman við teimum, ið hava gjørt trýst- og viðgerðarkamarið. Myndin varð tikin mikudagin í farnu viku niðri í Rotterdam, tá trýst- og viðgerðarkamari fekk endaligu altjóða góðkenningina frá Lloyd´s.
Vinarliga broyt tínar kennifíla - og privatlívsstillingar fyri at síggja hetta innihald