Harry Potter-sendirøð kemur í desember

Fyrsta umfar av sendirøðini um Harry Potter, sum annars skuldi frumsýnast í 2027, verður tøk á jólum í ár.

Tað er HBO Max, sum stendur fyri at gera væl umtóktu bøkurnar hjá J.K Rowling um Harry Potter til sendirøð.

Fyrsta bókin kom út í 1997 og fyrsti filmurin var vístur í biografunum í 2001. Tá hevði Daniel Radcliffe høvuðsleiklutin sum Harry Potter, og Emma Watson og Rupert Grint spældu vinir hansara, Hermione og Ron.

HBO Max hevði á heysti 2024 upptøkuroyndir til leiklutirnar og fleiri enn 30.000 børn royndu seg.

Valið fall á Dominic McLauhlin, Arabella Stanton og Alastair Stout sum ávikavist spæla Harry Potter, Hermione Granger og Ron Weasly í nýggju sendirøðini.

Síggj brellbita av nýggju Harry Potter-sendirøðini omanfyri.