Aftur følsk sms-boð í umferð

Seinastu tíðina hava ymisk sms-boð verið í umferð, sum standa at vera frá millum annað frá Posta.

Talan er um sonevnda "smishing", ið skal snýta fólk.

Hetta er við at trýsta á eina leinkju, tí tað er neyðugt fyri at rætta eitthvørt, sum svikarin hevur uppfunnið.

Men hetta kann fáa keðiligar fylgur, og eftir at slík boð, sum síggjast niðanfyri, eru komin til fleiri aftur í dag, ávarar Posta á Facebook-vanga sínum:

- Nýggj følsk sms-boð eru í umferð. Boðini eru ikki frá Posta. Trýstið IKKI á leinkið.

Mynd: Posta