Almennar móttøkur fyri nýggja landsstýrinum í komandi viku

Mánadagin 13. apríl klokkan 14 skipar Løgmansskrivstovan fyri almennari móttøku í Tinganesi í sambandi við, at nýtt landsstýri verður skipað.

Umframt almennu móttøkuna verða eisini høvi at hitta nýggju landsstýrisfólkini á móttøkum í ymsu stjórnarráðunum týsdagin 14. apríl, skrivar Løgmansskrivstovan.

Skráin fyri týsdagin 14. apríl er hendan:

• 09:00–09:50 Almanna- og bústaðamálaráðið (Undir Bryggjubakka 27)
  
• 10:00–10:50 Fíggjarmálaráðið (í Fíggjarmálaráðnum í Tinganesi)
  
• 11:00–11:50 Mentamálaráðið (Smæran)
  
• 12:00–12:50 Vinnumálaráðið (Kristnastova, Gongin 20)
  
• 13:00–13:50 Uttanríkis- og fiskimálaráðið (Loftsrúmið í Tinganesi)
  
• 14:00-14:50 Heilsu- og orkumálaráðið (Kopargøta 1)

Aðalstjórar bjóða vælkomin, fráfarandi og tilstundandi landsstýrisfólk siga nøkur orð og lata gávur, myndatøka v.m.