Norðoyatunnilin 20 ár

Sólin bakaði niður, og tað var eitt serligt huglag. Ein hátíðardámur.

Norðyingar høvdu bíðað eftir hesum degnum í longri tíð. Eitt sindur av ivamáli var eisini um, hvussu tilveran fór at broytast, nú túrurin um Leirvíksfjørð á góðan hálvan tíma var vekk.

Einki kaffiprát og pylsur og breyð á Dúgvuni. Men 29. apríl 2026 kundi man fáa risa tunnilskøku frá Bakarínum hjá Jórun í Klingrugarði, sum var nýggja handils- og ídnaðarøkið tætt við tunnilsmunnan.

Mynd: Norðlýsið

Runnið og gingið varð teir stóru seks kilometrarnir í tunnlinum. Og fólk í Norðoyggjaum og landnyrðingspartinum av Føroyum kundi fegnast um frambrotið.

Tað ger man enn - sjálvt um man 20 ár seinni ikki hugsar so nógv um tað dagliga.

Í dag kann rundi dagurin hátíðarhaldst. Tað ger Norðlýsið millum annað við sending, og lokal miðilin hevur serblað á veg.

Tað er eisini ókeypis at koyra gjøgnum Norðoyatunnilin í hesum døgum