Sorgarleikur í kolanámi í Kolumbia

Níggju námsarbeiðarar eru deyðir eftir eina spreinging í einum kolanámi í Cundimarca landslutinum í Kolumbia í gjár.

Seks aðrir námsarbeiðarar hava fingið álvarsligan skaða í spreingingini, upplýsir statsliga námsfelagið í landinum fyri Reuters tíðindastovuni.

Spreingingin hendi í La Ciscuda-náminum, og orsøkin er helst ein gass-samling í náminum, upplýsir felagið.

Guvernørurin í Cundamarca, Jorge Emilio Rey, skrivar á X, at seks námsarbeiðarar eru fluttir á sjúkrahús til kanningar.

- Vit harmast henda sorgarleik og senda okkara samkenslukvøður, samhuga og stuðul til familjur teirra, skrivar Jorge Emilio Rey.