Orku- og umhvørvisdagur í Fuglafirðar kommunu

Í morgin, leygardagin 16. mai, verður orku- og umhvørvisdagurin aftur í Fuglafirði. Hetta er ein dagur har fokus verður á grønu kósina í ein dag.

Tvey fokusøki eru sett á skinnarar í ár: Ruddingarátak og upplating av nýggja umhvørvisplássinum á Kambsdali.

Vónandi møta nógv fólk upp til ruddingarátakið, so vit saman kunnu fáa bygdirnar at skína til summarið, skrivar Fuglafjarðar kommuna.

Dagurin byrjar við ókeypis morgunmati í Mentanarhúsinum og í Bønhúsinum á Hellunum klokkan 9.

Síðan verður farið at rudda. Ruddingin verður skipað í býlingar og sett í gongd av røsku skótunum í Fuglafirði. Ítróttafeløgini í Fuglafirði luttaka til ruddingina. Kavarar rudda botnin í bátahylinum

Á middegi verður Ókeypis suppa, saft, kaffi og te í Mentanarhúsinum og í Bønhúsinum á Hellunum.

Klokkan 14 verður so ein hátíðarløta á Kambsdali í sambandi við at umhvørvisplássið har letur upp.

Eivin S. Breiðaskarð, formaður í orku- og umhvørvisnevndini og Thomas Lambastein halda røður, og skótarnir bjóða kaffi, te og sunkist.

Umhvørvisplássið letur aftur klokkan 18

Orku- og umhvørvisnevndin hjá Fuglafjarðar kommunu hevur tikið stig til hendan dagin, sum er afturvendandi á hvørjum ári, og verður fíggjaður av Fuglafjarðar kommunu.

Meira her: Í felag seta vit eina nýggja kós