Amnesty: Yvir 2.700 fólk avrættað í 2025

Í minsta lagi 2.707 fólk vórðu avrættað í 2025, staðfestir Amnesty International í árligu frágreiðing síni um deyðarevsing.

Hetta er hægsta talið á avrættingum, sum mannarættindafelagsskapurin hevur skrásett síðan 1981. Í 2024 var talið 1.518.

Avrættingar vórðu framdar í 17 londum.

Tað er serliga Iran, sum er orsøkin til hækkingina. Sambært Amnesty er talið á avrættingum í Iran tvífaldað í 2025 í mun til 2024. Í fjør avrættaðu iranar í minsta lagi 2.159 fólk.

Talið er eisini farið upp í Saudiarabia, Kuveit, Egyptalandi, Singapor og USA.

Amnesty leggur afturat, at uppgerðin fyri 2025 ikki fevnir um tær túsundatals avrættingarnar, sum felagsskapurin heldur verða framdar í m.a. Kina orsakað av vantandi upplýsingum.