Útigudstænasta í Gundadali 2. hvítusunnudag

Sum siður er, skipa kirkjurnar og prestarnir í Suðurstreymoy fyri útigudstænastu 2. hvítusunnudag á ovara vølli í Gundadali.

Útigudstænastan byrjar klokkan 11. GHM og Havnar Hornorkestur spæla til sálmasangin.

Gudstænastan er fyri alla familjuna, og eftir gudstænastuna eru øll boðin í Badmintonhøllina til ein drekkamunn, skrivar Fólkakirkjan í tíðindaskrivi.

Innsavnan verður til Føroyska Bíbliufelagið, og eisini verður høvi at ogna sær nýggju útgávuna av Nýggja testamenti, sum júst er útkomin.