Óvist um talan er um grindahval

Seinnapartin varð boðað frá grind út fyri Æðuvík. Fleiri bátar fóru av Havnini at vita, um grindin kundi rekast til Havnar.

Men enn er óvist, um havnarfólk skulu rokna við grind.

Sambært virkandi sýslumanni, Kára Thorsteinsson, er óvist, um tað verður til nakað. Rákið hevur ikki verið til vildar, og hartil hava springarar eisini verið ímillum.

Í løtuni eru bátar uppi við Flesjarnar, men enn hevur sýslumaðurin ikki fingið greiði á, um talan er um grindahval.