Nýggj útstykking á Heiðatrøðni í Miðvági

Arbeitt verður nú við nýggjari útstykking á Heiðatrøðni í Miðvági, har tey fyrstu tíggju grundøki verða gjørd byggibúgvin.

Hesum boðar Vága kommuna frá í dag.

Talan er tó um eina størri verkætlan.

- Hetta er partur av størri økið sum er lagt út til bústaðarøki. Økið liggur tætt við Heiðaveg, og er skipað sum eitt friðarligt bústaðarøki við góðum útsýni og tætt uppat náttúru.

Grundøkini verða løgd fram við nýggjum vegum  inni á økinum og eru ymisk til støddar: Minstu grundstykkini eru góð 426 fermetrar, meðan størsta grundøkið verður umleið 509 fermetrar. Flestu grundøkini liggja tó millum 430 og 470 fermetrar, sum gevur rúm fyri vanligum sethúsum og einum væl skipaðum bústaðarumhvørvi.

- Útstykkingin er løgd soleiðis til rættis, at fríøki verða inni í sjálvum økinum, og ætlanin er at skapa eitt gott og opið nærumhvørvi við plássi til bæði børn, familjur og gerandis lív.

Við tíðini verður bústaðarøkið norðuri á Heiðum bundi saman við hesari útstykkingini á Heiðatrøðni, skrivar vaga.fo.

Fyrr í mánaðinum var lisitiatión, og býráðið samtykti týskvøldið 26. mai at taka av lagsta tilboðnum.

Hetta var frá byggifyritøkuni J&K Petersen, sum umframt at gera grundøkini byggibúgvin, skal gera veg til økið.