Margreta drotning útskrivað aftur

Margreta drotning er í dag úrskrivað av Ríkissjúkrahúsinum, og er farin heim aftur til Fredensborg Slott, upplýsir kongshúsið í fráboðan.

Hon skal framvegis binda frið eftir at hava verið innløgd síðan mánadagin við eini blóðsamling í mjadnunum.

Sambært álmanakkanum hjá kongshúsinum er næsta arbeiðsuppgávan hjá Margretu drotning hin 6. juni tá hon eftir ætlan skal vera við til at innvíga nýggju brúnna millum Falster og Sæland, sum er uppkallað eftir henni.

- Í løtuni eru ongar broytingar í álmanakka hennara, stendur í fráboðanini.

Tað var ein CT-skanning, sum avdúkaði blóðsamlingina – hetta førdi til at hon var innløgd á Ríkissjúkrahúsinum í fimm dagar.