Harðskapstilburður á norðoyastevnu

Løgreglan fekk í gjár fráboðan um ein harðskapstilburð, sum var tíðliga sunnumorgunin í Klaksvík, har norðoyastevna var um vikuskiftið.

Talan skal vera um tveir mans, sum vóru í hornatøkum uttan fyri eitt av skeinkistøðini í býnum, upplýsir vaktleiðarin á løgreglustøðini. Talan er ikki um grovan harðskap, verður sagt.

Løgreglan veit hvør maðurin er, ið skal hava framt harðskapin, og løgreglan fer nú at kanna málið nærri, verður upplýst.