Enn ein ferðaleiðari handtikin

Seinastu tíðina hevur løgreglan handtikið fleiri útlendskar ferðaleiðarar fyri at arbeiða í Føroyum uttan loyvi, og í gjár hendi tað aftur.

Talan er hesa ferð um ein ES-borgara, sum ikki er norðurlendingur, upplýsir vaktleiðarin á løgreglustøðini í Havn.

Viðkomandi hevur sitið í arrestini í nátt, og er løgreglan í ferð við at kanna málið.

M.a. skal kannast, um ferðaleiðarin hevur havt egna fyritøku, ella um hann hevur arbeitt fyri onkran annan.