Alda Nielsdóttir
Samráðingarfólk úr Katar eru í morgun farin til iranska høvuðsstaðin Teheran at gera avtaluna millum USA og Iran lidna, sigur ein ónevnd kelda sambært fleiri tíðindastovum.
Avtalan, sum USA og Iran samráðast um í løtuni um eina sonevnda rammuavtalu, skal áseta karmarnar fyri einari nærri avtalu millum partarnar.
Amerikanski forsetin, Donald Trump skrivaði á sínum egna sosiala miðli, Truth Social í gjár, at ein avtala eftir ætlan skal undirskrivast í dag.
Hetta er tó ikki fyrstu ferð, at amerikanski forsetin hevur boðað frá, at partarnir nærkaðust einari avtalu.
Forsætisráðharrin í Pakistan, sum hevur virkað sum meklari millum partarnar, segði eisini í gjár, at ein avtala væntandi kundi undirskrivast innan 24 tímar.
Iran hevur enn ikki tikið nakra endaliga avgerð og eru enn í ferð við at gjøgnumganga avtaluna.
Leygardagin boðaði iranska uttanríkismálaráðið eisini frá, at ein avtala millum USA og Iran, sum hava verið í kríggi síðan februar, verður ikki undirskrivað hetta vikuskiftið.
Vinarliga broyt tínar kennifíla - og privatlívsstillingar fyri at síggja hetta innihald