Høvuðsnavn á G! – deyður í flogvanlukku

Altjóða fjølmiðlar skriva, at amerikanski sangarin Oliver Tree er millum tey, sum eru deyð í eini tyrluvanlukku í dag.

CNN Brasil skrivar, at løgreglan í Rio de Janeiro hevur váttað tíðindini.

Oliver var byrjaður eina umfatandi konsertferð, sum millum annað skuldi føra hann til Gøtu 18. juli, nú hann doyði.

Les eisini: Serlingurin Oliver Tree á G! Festival

Ekstra Bladet skrivar, at enn vita tey ikki, hví Oliver Tree var umborð á øðrum av tveimum helikoptarum, sum rendu saman yvir vestara part av Rio í dag.

Brasilskir miðlar hava greitt frá, at tyrlurnar duttu niður á eitt parkeringspláss, har eldur kom í minst 20 bilar.

Stutt eftir kundu myndugleikarnir boða frá, at minst seks fólk doyðu í vanlukkuni.

Sambært Ritzau er tað ikki óvanligt, at smærri flogfør og tyrlur detta niður í Brasil.

Innan vanlukkuna í dag hava tað verið ikki færri enn 84 ólukkur og óhapp av hesum slag, bara í 2026. Her hava minst 25 fólk latið lív.