Norska stórtingið vil broyta grundlógina

Norska stórtingið vil broyta norsku grundlógina, soleiðis at Ingrid Alexandra prinsessa, dóttir Haakon krúnprins og Mette-Marit krúnprinsessu kann setast inn sum ríkisstjóri, um pápi hennara og abbi hennara, Harald kongur ikki eru til staðar.

Í dag hevur norska stjórnin hendan leiklutin, um bæði Harald kongur og Haakon krúnprinsur eru burturstaddir.

Uppskotið skal sambært Ritzau viðgerast 3. november. Verður tað samtykt, kann Ingrid Alexandra prinsessa standa á odda fyri einum statsráði. Eisini merkir hetta, at ein komandi arvingur til trónuna kann fáa praktiskar royndir í leiklutinum sum ríkisstjóri.

22 ára gamla Ingrid Alexandra prinsessa er nummar tvey í norsku arvafylgjuni eftir Haakon krúnprins.

Fyri at fáa uppskotið um grundlógarbroyting samtykt er neyðugt við í minsta lagi tveimum triðingum av atkvøðunum í stórtinginum.