Bonnie Tyler vaknað úr koma

Bretska sangarinnan Bonnie Tyler, er nú vaknað úr koma, skrivar týski tíðindamiðilin Bild am Sontag.

Tyler varð í skundi innløgd á sjúkrahús í Faro í Portugal fyrst í mai við trupulleikum í tarmunum. Eftir skurðviðgerð varð hon løgd í koma fyri at betri at koma fyri seg aftur.

Sambært Bild er heilsan hjá 75 ára gomlu Bonnie Tyler framvegis álvarslig, hóast hon nú er vaknað aftur.

- Hóast støðan er batnað, gongur tað spakuliga at koma fyri seg aftur, verður sagt í eini fráboðan frá sjúkrahúsinum.

Bonnie Tyler er fødd í Wales 8. juni 1951, og hon fylti sostatt 75 meðan hon hevur ligið í koma á sjúkrahúsinum í Faro.

Bonnie Tyler er serliga kend fyri sangirnar “Lost in France”, “It’s a Heartache” og “Total Eclipse of the Heart”, frá sjeytiárunum og byrjanini áv áttatiárunum.

Hon vitjaði í Føroyum í 2006 og spældi á Mjús festivalinum heima á Sandi.