Vance: Altjóða kjarnorkustovnur fer aftur at hava eftirlit við Iran

Iran hevur játtað at bjóða eftirlitsfólki hjá altjóða kjarnorkustovninum hjá ST, IAEA aftur til landið, sigur amerikanski varaforsetin, J.D. Vance.

Vance er staddur í Sveis, har samráðingar eru millum USA og Iran.

Hetta er fyrsta stig móti varandi kjarnorkuavdubbing ella enda á iransku kjarnorkuverkætlanini, sigur Vance sambært altjóða miðlum.

Iran sleit í fyrsta umfari sambandið við IAEA, eftir 12 dagar langa kríggið millum Iran og Ísrael í juni 2025. Síðan tá hava fleiri fráboðanir verið um, at IAEA hevur tikið eftirlitið av iransku kjarnorkuverkunum uppaftur.