Isabella prinsessa fekk húgvuna á høvdið

Elsta dóttirin hjá kongshjúnunum, Isabella prinsessa, fekk í dag húgvuna á høvdið eftir at hava staðið studentsprógvið á Øregård Gymnasium í Hellerup.

Øll familjan var til staða at taka ímóti studentinum, og stóribeiggin, Christian, fekk heiðurin at geva systrini húgvuna á høvdið, skrivar dr.dk.

Eftir summarferiuna fer Isabella í 11 mánaða hertænastu hjá Garderhusarregimentinum í Slagelse, har stóribeiggin, Christian, eisini gjørdi hertænastu.