Kanjon hevur avhendað KG

- Í dag hava vit nátt ein stóran og týðandi varða – KG Hotel er alment latið eigarunum, og sum ætlað gista fyrstu gestirnir á hotellinum longu 1. juli.

Soleiðis skrivaði Kanjon á Facebook-síðu sínari hóskvøldið.

Byggifyritøkan í Klaksvík hevur staðið fyri at byggja gistingarhúsið, sum verður mitt í býnum.

Talan hevur verið eina spennandi og lærurík verkætlan, har nógv dugnalig fólk hava lagt sítt arbeiði og sítt ágrýtni í, og sum man nú sær úrslitið av, staðfestir Kanjon.

Tey eru errin av at hava verið við í stóru verkætlanini, og í næstu viku verður KG Hotel alment tikið í nýtslu. Fyrstu gistingarnar standa at vera mikudagin 1. juli og stórt hátíðarhald verður í Klaksvík í næstu viku. Opið hús verður í Klaksvík í morgin, leygardagin.

Nógv er hent seinastu mánaðirnar, síðani hendan myndin er tikin (Myndir: Norðlýsið)