Cecilia Nolsøe Sørensen skal røkja skúlastjórastarvið í Porkeri

Cecilia Nolsøe Sørensen fer komandi skúlaár at røkja starvið sum skúlastjóri í Porkeris skúla. Hetta meðan skúlastjórin er í farloyvi.

Tað skrivar Undirvísingarsstýrið á heimasíðu sínari.

Har verður upplýst, at Cecilia er 41 ára gomul og ættað av Tvøroyri.

- Umframt læraraútbúgving hevur Cecilia eisini eina B.Sc.-útbúgving innan vinnubúskap og sálarfrøði. Hon hevur fleiri ára royndir sum lærari og hevur áður røkt starvið sum skúlastjóri í eitt ár.

Cecilia byrjar í starvinum 1. august 2026.