21 hval løgdu beinini í Fuglafirði

Ein lítil grind legði beinini í Fuglafirði fyri løtu síðani. Jacob Vestergaard, sýslumaður, sigur, at 21 hval løgdu beinini og at drápið var liðugt eftir fýra minuttum.

Nú verður farið at sleipa hvalirnar á keiina, har hon veðrur býtt millum tey sum hava luttikið.

Enn er ikki heilt greitt nær seðlarnir koma út, men av tí at grindin var so lítil verður tað neyvan leingi at bíða, sigur sýslumaðurin.