Lærarar síggja avleiðingarnar av stórari skíggjanýtslu

Hóast næmingar ikki sleppa at hava telefon í skúlanum, síggja lærarar avleiðingarnar av stórari skíggjanýtslu.

Tað sigur Annvør Nielsen, lærari í Skúlanum á Fløtum.

Evnini at hugsavna seg um skúlaarbeiðið versna. Bæði, tí at næmingar eru vanir við at fáa alt serverað gjøgnum myndir/ljóð, men eisini tí, at teir mangan sova ov lítið. Tað sigur hon í samrøðu við Skúlablaðið.

- Hetta síggja vit sera væl í eldru flokkunum. Snildfonin og skíggjanýtslan er heilt víst ein av høvuðsorsøkunum til øðrvísi barnalyndið og broyttu lærarauppgávuna.

Annvør Nielsen heldur, at flokslæraraleikluturin er vorðin so mikið krevjandi, at tað skulu tveir lærarar til at røkja hesa uppgávu, tí annars fer eingin at átaka sær uppgávuna um nøkur ár.

Les meira her