Arbeiðsóhapp í Fuglafirði

Tíðliga seinnapartin í gjár var eitt arbeiðsóhapp á Vónini í Fuglafirði, har ein trukkur koppaði, upplýsir vaktleiðarin á løgreglustøðini í Havn.

Sjúkrabilur og løgregla fóru á staðið, og Arbeiðs- og brunaeftirlitið var eisini boðsent.

Førarin slapp úr trukkinum og varð koyrdur á sjúkrahúsið.

Førarin fekk, sum skilst, onkrar skaðar, men talan var ikki um nakað lívshættisligt, sigur vaktleiðarin.