Danny & the Veetos á Ljósfest í Vági

Danny & the Veetos verða at hoyra á Ljósfest, sum verður í Vági í døgunum 14. til 16. august.

Tað boðar Vágs kommuna frá í tíðindaskrivi.

– Seinasta framførsla teirra á G! Festivalinum í fjør fekk stórfingna móttøku, og nú er tað Ljósfestin í Vági, sum fær vitjan av teimum.

– Á Ljósfestini kunnu gestir gleða seg til eina framførslu við øllum teimum kendu hittunum, nýggjum løgum og tí serligu nærveruni, sum hevur gjørt Danny & The Veetos til ein av Føroya bestu live-bólkum.

Danny & the Veetos fara á pallin leygarkvøldið 15. august.