Video: Ein øgiligur gangur frá hernaðarflogførum

Tað var ein øgiligur gangur frá bretsku hernaðarflogførunum, sum fyri einum tíma síðan ella so flugu yvir oyggjunum.

Talan er um bretsk F-35B flogfør, sum í dag eru í føroyskum loftrúmi í sambandi við eina leiti- og bjargingavenjing.

Venjingin verður gjørd í samstarvi millum Vørn, bretska flogberan, Prince of Wales, og NATO. Flogførini hava støð á bretska flogberanum, HMS Prince of Wales, sum er eystanfyri Føroyar.

Upptøkurnar omanfyri hava vit frá Eron Debes (tikið úr Sørvági) og Sigmar Davidsen (tikið av Argjum).

Les eisini: Bretsk F-35B flogfør í føroyskum loftrúmi