Ingi Samuelsen
Kvívíkar kommuna hevur skrivað undir nýggjan sáttmála við lokala bilafelagið, smápartafelagið JHI, bilar um skúlabarnakoyringina hjá kommununi.
Undanfarni sáttmálin millum Kvívíkar kommunu og JHI Bilar gekk út 30. juni í ár. Samstarvið hevur riggað sera væl, og Kvívíkar kommuna hevur verið sera væl nøgd við tænastuna, sum JHI Bilar hava veitt.
Í vár varð skúlabarnakoyringin boðin út. Trý tilboð komu inn, og lægsta tilboðið var upp á 755.500 krónur um árið. Eftir útboðið valdi Kvívíkar kommuna, at fara í samráðingar við Sp/f JHI Bilar, um ein nýggjan sáttmála.
Sáttmálin varð undirskrivaður á kommunuskrivstovuni í gjár, har Tóra Isaksen, stjóri vegna JHI Bilar og Hans Jóhann Sørensen, borgarstjóri, skrivaðu undir.
Nýggi sáttmálin kemur í gildi 1. august. Sáttmálin er galdandi í fýra ár, frá skúlaársbyrjan í august 2026 til endan av skúlaárinum í juni 2030.
Eftir sáttmálanum hevur Kvívíkar kommuna møguleika at leingja sáttmálan eitt ár í senn, tá upprunaliga sáttmálaskeiðið er lokið.
Vinarliga broyt tínar kennifíla - og privatlívsstillingar fyri at síggja hetta innihald