Seks nýggjar søgur til børn eru nú klárar

Í eina mansævi hevur Katrin Joensen savnað smáar søgur til børn – søgur, sum gjøgnum árini hava verið brúktar kring landið til upplestur í sunnudagsskúlum, sum góðanáttsøgur og til hugnaligar familjuløtur í sofuni.

Á jólum vórðu tríggjar jólasøgur lagdir út. Nú halda vit fram við seks nýggjum søgum úr bókini Ein undursom bjarging – søgur, sum eru lisnar inn á føroyskum og hava fingið ljóðmynd við tónleiki og ljóðeffektum.

Søgurnar eru stuttar og hugnaligar og bera ein góðan kristiligan boðskap um trúgv, bøn, kærleika, gleði og at geva av hjarta.

Til kanst lurta eftir søgunum í spælaranum á trubodin.fo ella á spotify.

Trúboðin