Smyril leggur at við eystursíðuna á molanum

Vegna kappróður á ólavsøku leggur Smyril ikki at undir farstøðini í morgin, 28. juli, boðar Strandferðslan frá.

Smyril leggur at við eystursíðuna á molanum (Ny-havnina) á ferðini til Havnar klokkan 11.

Um alt gongst sum ætlað, flytur Smyril undir Farstøðina umleið klokkan 20. Fyrivarni verður tó tikið fyri, at økið við Farstøðina møguliga ikki er klárt, skrivar Strandferðslan.

Strandferðslan heitir eisini á øll ferðandi um at fara til gongu umborð á Smyril.

Hetta er galdandi fyri allar fráferðir av Krambatanga í dag og í morgin.

Bert bilførarar, rørslutarnað og smábørn kunnu verða sitandi í bilinum, sigur Strandferðslan.

Meira um broyttar ferðaætlanir hjá Strandferðsluni á ólavsøku sæst her