Ein koyrdi ávirkaður í nátt

Í nátt var løgreglan úti og kannaði ferðsluna í Eysturoynni, og í hesum sambandi varð ein bilførari tikin fyri at koyra ávirkaður inni á Skálafjørðinum.

Bilførarin varð steðgaður klokkan eitt í nátt, og vísti tað seg, at hann var ávirkaður av rúsdrekka.

Bilførarin varð handtikin, blóðroynd varð tikin, og síðani varð hann leyslatin aftur, sigur vaktleiðarin á løgreglustøðini í Havn, sum leggur afturat, at seinasta samdøgrið sum heild hevur verið friðarligt.