Betesda letur aftur dyrnar upp

Enn einaferð letur Betesda dyrnar upp á Summarfestivalinum.

Samkoman í Klaksvík sum liggur beint uttanfyri økið, bjóðar inn og ymiskt verður eisini á skránni.

Dyrnar lata upp klokkan 20:30, og fríggjakvøld og leygarkvøldið verða sangløtur um midnáttarleitið, har ávikavist ungdómur í Betesda og sangbólkurin Vitin skipa fyri.

- Øll eru vælkomin til eina hvíld, ein góðan drekkamunn og eitt gott prát, verður sagt úr Betesda.