Bilurin fekk stóran skaða

Bilurin, sum endaði í einum ferðsluóhappi í Kaldbaksbotni beint fyri middag í gjár, fekk stóran skaða, men fólkini í bilinum fingu ikki stóran skaða, upplýsir vaktleiðarin á løgreglustøðini í Havn í morgun.

Talan var um eitt soloóhapp, har bilurin endaði við at koyra út av vegnum. Hvør orsøkin er, veit løgreglan ikki at siga.

Tvey fólk vóru í bilinum, og tey vórðu koyrd til kanningar.

Neyðugt var at steingja vegin eina løtu fyri at fáa bilin av staðnum. Talan var tó bert um einar seks minuttir, sigur vaktleiðarin.