Ikki nógv fingu eygað á sólina tá mánin fór framvið

Líkindini at síggja sólarmyrkingina í gjárkvøldið vóru ikki góð í Føroyum. Sum skilst so var tað einans á tveimum støðum, at tað sást eitt sindur til sólina hesa løguni – á Eiði og á Viðareiði.

Flest fólk vóru savnað á Viðareiði, har Veðurstovan skipaði fyri tiltaki í sambandi við myrkingina.

Myndina omanfyri hava vit funnið á Facebook. Kristian Eli Zachariassen megnaði at fáa myndir av endan á myrkingini.

Aðrastaðni í Føroyum var so mikið tjúkt í mjørka, at ein nærmast ikki varnaðist, at mánin eina løtu fjaldi 91 prosent av sólarflatuni.

Herundir eru nakrar myndir úr útlandinum av sólarmyrkingini. Serlig í Spania, har full sólarmyrking var, vóru góð líkindi at upplíva hetta sjáldsama náttúrufyribrigdið.