Aftur í 90ini í Dansifrøi

Leygarkvøldið 19. september verður Dansifrøi umskapað til eina sanna 90ara veitslu.

– Har verður allur tann góði tónleikurin frá tí tíðini. Bæði DJ Annand og Ottar Skottar høvdu sína stórheitstíð tá, og fara teir á pallin við øllum hittinum frá 90unum, skriva fyrispurarar í tíðindaskrivi.

– Tann tíðin var merkt av nógvum blinkandi ljósum á dansigólvinum og sjálvandi verður tað ein stórur partur av kvøldinum.

Talan er um eitt kvøld fyrt tey vaksnu, og veður 25 ára aldursmark.

Atgongumerki fáast á atgongumerki.fo.