Indonesia: Í minsta lagi 51 deyð

Talið á deyðum efir jarðskjálvtan í Indonesia fríggjakvøldið okkara tíð er nú komið upp á 51, upplýsir varaheilsumálaráðharrin í landinum.

36 fólk eru álvarsliga løstað, og 77 onnur hava fingið smærri skaðar, skrivar Ritzau.

Jarðskjálvtin, sum máldi 7,7 á Richter-stiganum, varð fylgdur av umleið 341 eftirskjálvtum.

Jarðskjálvtin er deyðiligasti jarðskjálvti í Indonesia síðan 2022, tá ein jarðskjálvti kravdi fleiri enn 600 mannalív.

Umleið 5.000 fólk eru flutt burtur orsakað av jarðskjálvtanum. Enn er ikki greitt, hvussu nógv fólk eru saknað.