Metnógv lesandi á Hægri Námi á Glasi

Í dag byrjar virksemið á Hægri Námi á Glasi fyri komandi skúlaár, og tá fara yvir 200 fólk at lesa á Hægri Námi á Glasi, og talið hevur ongantíð verið hægri, skrivar Glasir í tíðindaskrivi.

82 verða fulltíðarlesandi og 121 verða parttíðarlesandi.

Í ár byrja 22 at lesa marknaðarførslubúskap. Níggju taka framhaldsútbúgvingina Altjóða handil og marknaðarførsla á bachelorstigi. Sjey eru í holt við Fíggjarbúskap, og 44 lesa Byggifrøði í løtuni. 17 teirra skulu til endaliga próvtøku sum professiónsbachelorar komandi summar.

Í løtuni eru 121 lesandi innskrivað til parttíðarlestur á Hægri Námi á Glasi.

45 lesa Diplom í leiðslu. Hægri Nám á Glasi hevur eisini HD-útbúgving í samstarvi við Aarhus Universitet. 32 taka HD fyrra part og 15 annan part. Harumframt byrja níggju lesandi á komandi akademiútbúgving í Fíggjarligari ráðgeving, 14 taka Grundleggjandi leiðsluútbúgving, og seks skriva høvuðsritgerð á akademiútbúgvingini.