Klipt varð dúgliga i Eysturoynni týsdagin

Í gjáramorgunin var eitt lítið ferðsluóhapp við rundkoyringina í Gøtudali. Ein bilførari helt ikki frástøðuna til bilin frammanfyri og rendi í.

Hetta kostaði eitt klipp og eina bót, og slíkt fingu trý onnur fólk í Eysturoynni týsdagin.

Hetta var tí, at løgreglan var úti við lasaranum og mátaði ferð.

Ein koyrdi 105 km/t, ein 109 km/t og ein 116 km/t. Síðstnevndi fekk koyriforboð, tí viðkomandi koyrdi so mikið skjótt í 80 km/t-økið, stutt eftir at koyrikortið var komið í hús, upplýsir vaktleiðarin á løgreglustøðini í Havn.

Júst í høvuðstaðnum kom eisini eitt klipp, umframt pengingur í bótakassan. Orsøkin var, at bilførari helt í telefonini og tosaði, meðan hesin koyrdi.