Fyrsti kandidaturin í serpsykologi á Landssjúkrahúsinum

Í dag hevur fyrsti serpsykologkandidaturin, Sissal Jørgensen, lokið introduktiónsstarvið í barna- og ungdómspsykiatri á Landssjúkrahúsinum.

- Hetta er ein týðandi varði í menningini av føroysku barna- og ungdómspsykiatriini og eitt úrslit av miðvísum arbeiði gjøgnum fleiri ár, skrivar Landssjúkrahúsið á heimasíðuni.

Serpsykologútbúgvingin er ein fýra ára víðariútbúgving fyri sálarfrøðingar, sum vilja spesialisera seg innan annaðhvørt psykiatri ella barna- og ungdómspsykiatri. Útbúgvingin er býtt í eitt ár í introduktiónsstarvi og trý ár í høvuðsútbúgving.

Meira um útbúgvingina kann lesast á heimasíðuni hjá Landssjúkrahúsinum