Agnar Prestá
Flogferðsla er tengd at strongum tíðarætlanum, men tær halda av ymiskum orsøkum ikki altíð - og hett kann vera ógvuliga strævið fyri tey ferðandi og starvsfólk á flogvallum/í flogfeløgum.
Men hvørji flogfeløg halda í størsta mun tíðarætlanina?
Í Evropa er besta boðið SAS.
Cirium’s er felag, sum ger ymiskar kanningar innan flogferðslu. Millum annað eina mánðarliga "On-Time Performance".
Hendan kannar flogfeløgini kring heimin, og sambært hesari kanningini fyri august, var talið hjá SAS 87 prosent. So ofta vóru flogfør hjá skandinaviska flogfelagnum til tíðina í síðsta mánaða kring Evropa.
Víst verður eisini á, at SAS, sum nú hevur 80 ár á baki, samanlagt ellivu ferðir hevur verið ovast á slíkum lista síðani januar 2025: Sjey ferðir sum best í Evropa og fýra ferðir sum tað flogfelagð í øllum heiminum, sum í størstan mun heldur seg til ásettu lendingartiðina.
Vinarliga broyt tínar kennifíla - og privatlívsstillingar fyri at síggja hetta innihald