Uttanlands

Snyrilsmálið: Grønlendska landsstýrið ávarar um svik

Ávarað verður um svik í sambandi við, at grønlendskar kvinnur, sum hava fingið snyril uttan samtykki, nú kunnu fáa endurgjald.

Danski forsætisráðharrin, Mette Frederiksen og grønlendski landsstýrisformaðurin, Jens-Frederik Nielsen heilsa uppá grønlendskar kvinnur á einum tiltaki í Nuuk, í sambandi við, at danski staturin kom við einari almennari umbering í september í fjør (Mynd: Mads Claus Rasmussen/Ritzau Scanpix)

Danski forsætisráðharrin, Mette Frederiksen og grønlendski landsstýrisformaðurin, Jens-Frederik Nielsen heilsa uppá grønlendskar kvinnur á einum tiltaki í Nuuk, í sambandi við, at danski staturin kom við einari almennari umbering í september í fjør (Mynd: Mads Claus Rasmussen/Ritzau Scanpix)

2026-09-12 12:37 Author image
Alda Nielsdóttir
placeholder

Nú grønlendskar kvinnur kunnu søkja um endurgjald í sambandi við sonevnda snyrilsmálið, ávarar grønlendska landsstýrið um royndir at snýta fólk.

M.a. hava svikarar vent sær til grønlendingar á Messenger, skrivar Ritzau.

Grønlendska landsstýrið heitir á fólk um ikki at geva persónsupplýsingar umvegis Messenger, og ger greitt, at myndugleikar ikki seta seg í samband við fólk á hendan hátt í sambandi við umsókn teirra um endurgjald.

Tað var 27. august, at fólkatingið samtykti eitt endurgjald á 300.000 krónur til grønlendskar kvinnur, sum hava fingið snyril ísettan uttan neyðugt samtykki, og skipanin við endurgjaldi kom í gildi 1. september.

Fyrstu kvinnurnar hava longu fingið endurgjald.

Les eisini: Fyrstu kvinnurnar fingið endurgjald í snyrilsmálinum

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder