Løgreglan kannar møguligt harðskapsmál

Løgreglan kannar í løtuni eitt møguligt harðskapsmál í Suðuroynni.

Málið snýr seg um eina hending í náttarlívinum á Tvøroyri leygarkvøldið, har ein persónur skal vera sligin.

Fólk vóru so ávirkað á staðnum, at tað var trupult hjá løgregluni at fáa greiðu á, júst hvat var farið fram, men málið verður kannað víðari í dag, sigur vaktleiðarin á løgreglustøðini í Havn.