Útgávukonsert við Stanley í Reinsarínum í kvøld

Stanley Samuelsen er framvegis virkin í tónleiki, hóast fulgfirðingurin fekk staðfest Alzheimer í 2022 - tónleikurin situr djúpr í honum.

Í 2025 kom kom útgávan Sólskin á marknaðin sum fløga, og nú kemur hon út sum LP. 

Í hesum sambandi verður útgávukonsert í Reinsarínum í Havn í kvøld, fríggjadagin 18. september, klokkan 20.00.

Tórsgøta boðar frá, at eitt eykalag er á LP'ini, sum eisini verður til keyps.

Í fjør kom ævisøgan um Stanley Samuelsen, sum Hilmar Jan Hansen hevur skrivað- Fyrr í ár varð sangarin, tónleikarin og sangskrivarin heiðraður sum Ársins tónleikari á Faroese Music Awards og stutt eftir við Útisetaprísinum í Keypmannahavn.