Russland: Tvey fólk latið lív í dronuálopi á Moskva

Í minsta lagi tvey fólk vórðu í morgun dripin í einum dronuálopi á russiska høvuðsstaðin Moskva og økið kring býin, upplýsa lokalir myndugleikar sambært fleiri tíðindastovum.

Borgarstjórin í Moskva, Sergej Sobjanin sigur, at fleiri enn 1.600 dronur vórðu skotnar niður í økinum, harav 450 vórðu sendar yvir sjálvan høvuðsstaðin, har eitt oljureinsiverk eisini var rakt.

Hetta sigst at vera størsta ukrainska dronuálopið á Moskva.

Borgarstjórin leggur afturat, at tað er eyðsæð, at álopið hevði til endamáls at órógva russiska tjóðartingsvalið, sum heldur fram í dag.

Hetta er fyrstu ferð, síðan Russland gjørdi innrás í Ukraian í februar 2022, at tjóðartingsval er í Russlandi, og seinasti valdagur er í dag.

Í Ukraina verður eisini boðað frá álopum. Myndugleikarnir í ukrainska høvuðsstaðnum Kyiv boða frá, at fýra fólk hava latið lív í russiskum álopum í nátt.