Bilur endaði á Sandsvatni

Ein sjáldsom sjón á Sandsvatni í kvøld. Ein bilur við reyvuni upp eftir sást nakað úti á vatninum.

Tíbetur var bilførarin ongantíð í lívsvanda og hann kom út bilinum rættiliga skjótt, sigur vaktleiðarin á løgreglustøðini í kvøld.

Óhappið hendi um sjey tíðina, tá bilførarin skuldi draga út á vegin frá byggiplássinum, har SEV byggir koblingarstøð. Av gáloysni endaði hann við at koyra beint fram, fór oman av vegnum og endaði í vatninum.

Maðurin kom úr bilinum og gjørdist bara vátur um øklarnar, men bilurin rak út frá.

Løgregla, sjúkrabilur og sløkkilið vóru send á staðið beinanvegin.

Arbeitt verður nú við at fáa bilin upp á turt aftur, verður upplýst av løgreglustøðini.

Maðurin, sum er útlendingur og arbeiðir í Føroyum, koyrdi í einum leigubili.