Týskland: AfD fær tingformannin í Sachsen-Anhalt

35 ára gamli Tobias Rausch úr flokkinum Alternative für Deutschland (AfD) er valdur til formann í landspartatinginum í týska statinum Sachsen-Anhalt.

Hetta er fyrstu ferð, at ein limur úr AfD er valdur til forfólk í einum týskum landspartatingi, skrivar Ritzau.

Rausch varð valdur týsdagin við 48 atkvøðum fyri og 29 ímóti.

AfD fekk 43,8 prosent av atkvøðunum á landspartavalinum í Sachsen-Anhalt herfyri. Tað gav flokkinum 39 av 83 sessum í landspartatinginum - ein munandi framgongd í mun til teir 23 sessirnar, flokkurin fekk á seinasta vali.

Hetta er fyrstu ferð síðan 1945, at ein flokkur á ytsa høgravonginum fær formannin í einum týskum landspartatingi.