Løgreglan kannar harðskapsmál í Vági

Nógv fólk hava verið í býnum í nátt, men kortini hevur sum heild verið friðarligt. Tó kannar løgreglan eitt harðskapsmál í Vági.

Tað var um klokkan trý í nátt, at ein maður varð sligin. Hann hevur fingið onkran skaða, men talan er ikki um stóran skaða, sigur vaktleiðarin á løgreglustøðini í Havn.

Løgreglan fer at kanna málið nærri, og vaktleiðarin leggur afturat, at løgreglan veit, hvør framdi harðskapin.