Tríggir koyrdu ov skjótt

Tíðliga seinnapartin í gjár var løgreglan á Skálafjørðinum og gjørdi ferðmátingar, og har vórðu tríggir bilførarar tiknir fyri at koyra ov skjótt.

Ein bilførari fekk eina treytaða frádøming av koyrikortinum fyri at koyra 133 kilometrar um tíman, har mest loyvda ferðin er 80 kilometrar um tíman.

Hinir báðir bilførararnir fingu klipp í koyrikortið.

Ein koyrdi 91 kilometrar um tíman, hóast hann bert hevði loyvi at koyra 70 kilometrar um tíman, og ein koyrdi 105 kilometrar um tíman, har mest loyvda ferðin er 80 kilometrar um tíman.